169
Tanki Flip – Diasabra anochi pa mas o menos 9:15 informacion a drenta di un accidente ariba e caminda di Hato. Esaki den mayoria caso ta autonan cu ta cay den e Greppel.
Y diasabra cu a pasa no tawata diferente.
Polis a yega y a topa cu un Altezza banda panort di caminda den e Greppel benta.
Por a mira tambe cu e vehiculo a ranca un palo di luz durante cu e la perde control.
Esnan den e auto a logra sali y a cana bay un cas den cercania posiblemente pa a bati alarma.
Algun rato despues Ambulance a yega na dicho cas y a cuminsa controla esnan envolvi.
Den e auto nos a compronde cu tawata tin mucha tambe.
Pa loke ta e chauffeur polis a bay over na detene, debi cu e tawata core auto bou influencia.
Elmar tambe a wordo notifica pa kita e palo di luz for di caminda.
