Home Police Mercedes Benz envolvi den accidente serio ariba Green Corridor, chauffeur a ser...

Mercedes Benz envolvi den accidente serio ariba Green Corridor, chauffeur a ser hiba Hospital

SHARE
Green Corridor – Diasabra anochi pa mas o menos 9:40
Polis a haya informacion di un accidente serio altura di Young Fellow ariba Green Corridor.

Mesora patruyanan a dirigi nan mes cu urgencia na e sitio. Na yegada di patruya di trafico e ta topa cu un Mercedes Benz color shinishi total los.

E vehiculo debi na velocidad hopi halto a perde control y a ranca un parti di e Vangrails altura di e stadion di Duracell. Pa loke ta e chauffeur polis a yega y mesora a pidi pa un ambulance cu urgencia.

Caminda a wordo cera door di otro patruyanan pa asina evita cu trafico por yega cerca y stroba trabou di Ambulance y polis, tambe e vehiculo tawata ariba caminda benta.

Paramediconan na yegada mesora a bay atende cu e chauffeur masculino y despues a sali cune direccion Hospital.

Polis di trafico a keda haci nan investigacion y tambe e ora ey mester a notifica esnan cu ta atende cu Green Corridor pa yega y mira e daño haci na e Vangrails.

Caminda a wordo cera pa mas o menos 1 ora,  pa nan por a traha ariba e parti cu a sufri basta daño material.