242
Oranjestad – Diabierna mainta, dia di Obrero Minister Glenbert Croes a duna un splicacion cortico, relaciona cu personanan cu lo mester haya e 950 florin.
Debi cu varios persona ainda no sa si nan lo bin na remarke pa ricibi e 950 florin, Minister Croes a splica cu entrante otro siman lo aparece un lista di numbernan registra di esnan cu a bin na remarke o sea cu lo haya e 950 florin.
E la sigui bisa cu esnan cu nan numbernan no ta aparece ariba e Site di www.fasehelpdesk.com nan lo tuma contacto cu e personanan aki, pa asina busca pa sa unda algo lo por a bay fout y pa mira tambe con Gobierno lo por bay yudanan den e tempo dificil di crisis aki.
A puntra e Minister tambe si e 950 florin ta conta pa esnan cu a perde trabou trahando via un Uitzendbureau, e la bisa cu si e ta aplica pa nan tambe.
