Florida, Merca – Un homber biba den estado di Florida a haci un bommelding falso paso e no tin gana di ta na trabou. E homber ta Richard Hamilton di 36 aña. E caso a tuma lugar na Wellington, Florida. Hamilton ta trahador di construccion.
Actualmente Hamilton ta enfrentando cargonan pa via di a yama bisa cu tin un bom na su trabou. E yamada ta raporta cu tin un menasa di bom, algo cu a resulta di ta falso. Mester a evacua 20 persona for di e edificio unda cu tin e ‘bom’. Autoridadnan a trace e yamada y asina a bin haya sa cu e esaki a bin for di un dje trahadornan di construccion mes.
Na inicio e homber a bisa cu e a perde su telefon, pero esaki a resulta di ta un engaño tambe. E telefon a wordo haya den su auto y asina e cabayero a bin na admiti cu no tin ningun bom. E tawata tin mal beis y su dia no tawata bayendo bon.
Pues e a dicidi di haci un bommelding pa asina e por bay cas.
