World Health Organization (WHO) ta informa diasabra cu actualmente ‘no tin evidencia’ cu hendenan cu a recupera di e virus tin e anticurpanan pa proteha nan di un di dos infeccion di coronavirus.
Pues no tin evidencia cu esnan cu a recupera no por wordo ‘re-infecta’. WHO ta adverti gobiernonan cu ta haciendo uzo di ‘immunity passports’. Esaki ta un documento cu ta permiti persona sali riba caya y move libremente paso nan ya tin un ‘inmunidad’ pa e virus.
United Nations ta preocupa y ta adverti contra uzo di e documento aki pa motibo cu “e practica aki por bay aumenta e riesgo di plamamento di e virus como cu personanan lo bay ignora e consehonan actual”.
Te na e momento aki e testnan haci riba anticurpa ta wordo considera como e yabi pa paisnan por sali di lockdown.