Green Corridor/Balashi: Diadomingo algo pasa di 8’or di anochi, presencia di polis a wordo pidi riba Green Corridor,un poco pabou di e brug nobo, pa un homber cu pa un of otro motibo a cay for di su scooter y a keda herida.
Mesora un patruya di polis a bay na e sitio, enberdad nan a bin topa cu e scooter benta abou y e motociclista herida. Polis a pidi pa presencia di ambulance mirando cu e homber ta herida.
Na yegada di ambulance, personal di ambulance a nota cu e homber posibelmente lo a fractura su brasa. Despues cu nan a trat’e na e sitio, ambulance a transporta e homber pa hospital.
Prome cu ela wordo transporta pa hospital, ela pidi polis pa avisa un familiar y tambe mirando cu Toque de queda ta cerca di cuminsa, polis a dicidi di hiba e scooter Warda, unda cu despues e cabayero por bay busca su scooter bek.
