102
Savaneta: Diadomingo atardi a sosode un accident riba e caminda principal di Savaneta na altura di Wintergarden Supermarket. Mesora a pidi pa presencia di polis.
Na yegada nan a bin compronde cu dos persona riba un brommer tabata bayendo direccion di San Nicolas, net na momento cu un Honda cu tambe tabata bayendo direccion pariba a dicidi di lora na su man robes pa bay Wintergarden Supermarket, aparentemente e no lo a mira cu e brommer tabata pasando y ora e la bira e brommer a dal den banda di e auto.
Un di e personanan cu tabata riba e brommer a keda herida y mester a haya asistencia medico mientras e dos personanan den e Honda a keda basta spanta di e accident.