134
Weststraat, Oranjestad: Diasabra den oranan di merdia presencia di polis y ambulance a wordo pidi na altura di Feng Da Supermarket den Westraat, pa motibo cu un dama a wordo ataca y mordi pa un cacho grandi.
E dama tabata canando banda eybanda y e cacho a subi caminda bin ataca y morde e dama. E dama a haya un mordi basta profundo na su brasa robes y tambe na su pia.
E doño di e cacho a presenta y e polisnan na e sitio a papia cu ne y despues e doño a papia cu e victima tambe.
Na yegada di ambulance, personal di ambulance a bay atende cu e victima, nan a haci e herida limpi y a conseha e victima pa e bay hospital pa tuma un hangua di tetanus.