Alto Vista – Diasabra den dia por a mira cu Kapel di Alto Vista ta cera. Esaki probablemente relaciona cu e video cu a wordo traha y publica ariba Pornhub. Pornhub ta un di e sitenan di porno mas conoci riba internet. E actriz en question cu a traha e video pornografico ta uza e nomber, ‘Betty Foxxx’.
Videonan publica riba internet lo pa semper keda ey riba, esaki hasta si e autor original yega na ‘delete’ e video. E hecho aki ta haci cu e acto lamentabel aki lo pa semper keda ‘flota rond’ riba internet.
No tin informacion con exacto o abase di cua ley autoridnan lo actua en contra di e actriz. Tampoco ta conoci si autoridnan a logra identifica e persona aki cu ta actua abase di un alias.
E siguiente ta un declaracion manda pa e autoridnan cu a cuminsa e investigacion contra ‘Betty Foxxx’.
CUERPO POLICIAL ARUBA TA INFORMA:
En conexion cu un video pornografico cu ta bayendo rond di un hende muher den Kapel di Alto Vista , Cuerpo Policial bou liderazgo di Ministerio Publico a cuminsa un investigacion penal.
Den e imagenan abou por mira declaracionan cu e actriz a haci riba Twitter encuanto e video y e controversia cu a surgi. Tambe e actriz tin un ‘altar’ traha cu articulonan cu ta mustra procedente di Aruba.
