Seroe Janchi: Diabiernta den oranan di atardi, recherchenan di atraco team hunto cu Ministerio Publico a drenta cas di un sospechoso relaciona cu algun atraco cu a tuma lugar ultimamente.
E sospechoso E.P.T. di 41 aña, ta wordo sospecha di ta envolvi den atraconan na Montaña Food Mart riba 15 di April ultimo y tambe di Cheung Gong Supermarket den Apelsinastraat (Tarabana) dia 14 di maart ultimo.
E sospechoso a wordo deteni Diabierna den oranan di mainta na Palm Beach, despues cu e la actua sospechoso dilanti polis y a core pa polis. Aparentemente e lo a admiti caba cu e la comete e dos atraconan aki.
Pesey mes diabierna den oranan di atardi recherchenan riba ordo di Fiscal a tene un entrada hudicial na e cas na Seroe Janchi caminda e sospechoso ta bibando.
E recherchanan a confisca varios articulo y tambe un pickup cora cu lo tabata e pickup den cual e atracador lo a bandona e sitio den dje despues di a comete e atraco na Cheung Gong Supermarket, dia 14 maart ultimo.
