Home Police Durante Shelter-in-place y prome cu Toque De Queda Polis patruyando den Tarabana

Durante Shelter-in-place y prome cu Toque De Queda Polis patruyando den Tarabana

SHARE

Gobierno a introduci hopi medida di precaucion entre otro Social Distancing, a introduci Shelter-in-place, Toque De Queda, a cera scolnan y tiendanan etc. Sin conta dos biaha pa dia Conferencia di Prensa, mester bisa cu Gobierno ta haciendo hopi di su banda, pero na final di dia, e responsabilidad ta di e pueblo pa cumpli cu esaki. Tanten cu no ta cumpli y no ta respeta, e chens ta grandi cu e virus mortal aki lo por sigui plama riba nos isla.

Tarabana: Diabierna den oranan di atardi pa anochi, durante Shelter-in-place y poco prome cu Toque de Queda drenta na vigor, por a nota varios patruya di polis coriendo den Tarabana y avisando tur grupito di persona pa mantene distancia di otro.

E patruyanan a para diferente caminda pa hala atencion di hende pa no aglomera y mantene distancia social, especialmente e ultimo aki cu hopi hende ainda no ta compronde e importancia pa cu e Social Distancing. For di leu por a mira cu varios persona ta sigui para cerca di otro toch.

Polis haciendo su maximo esfuerso pa concientisa y papia cu hendenan pa nan por compronde e peliger y e seriedad di e virus aki. Ban spera cu nan compronde paso tanten cu tin hende cu no ta tuma social distancing na serio, e virus aki lo sigui plama.

Gobierno no tin tempo y man power pa baby sit henter Aruba, e responsabilidad ta di cada un di nos eyfo y tanten nos tur hunto no ta conciente y tin algun persona cu ta kere cu ta wega. Elo sigui plama y e chens ta grandi cu morto lo por cay.

Pesey mes sigui tur instrucion y keda paden di cas, cual algun persona den e bario aki no tabata haciendo diabierna atardi.