Durante conferencia di prensa di Gobierno di Aruba Minister President Evelyn Wever-Croes ta anuncia cu lo forma un task force pa vigila persona cu ta bou cuarentena.
E task force lo ta consisti di cierto miembro di Cuerpo Policial di Aruba y tambe algun miembro di Salubridad Publico. E task force aki ta bay controla si persona cu ta bou cuarentena ta sigui e instruccion aki.
Miembronan di e task force lo haci bishita inespera (spotcheck) y tambe yamada na e persona pa asina controla si e ta enberdad na su cas. Esnan cu wordo haya ta kibra nan cuarentena door di sali di cas lo ricibi un multa.
E multa ta cuminsa na 1000fl y por yega te 10000fl. Ta pidi pa esnan cu a haya instruccion di cuarentena keda cas pa preveni haya un boet y tambe preveni di expone otro na e virus.