Belgiestraat, Oranjestad: Diahuebs den careda di 8’or di anochi, un patruya di polis den Koningstraat, na altura di Cas di Partido, por poco a wordo gedal pa un Nissan Cube Cora, e agente policialnan a nota cu e auto no tabata tin nummerplaat dilanti.
Mesora a dune un stopteken pa haci e controlnan necesario. E chauffeur di e Nissan Cube a nenga e stopteken aki y a sigui core.
Un rato despues un otro patruya di polis a mira e Nissan Cube aki, na altura di Royal Plaza y nan tambe a dun’e un stopteken y esaki tampoco e chauffeur no a respeta. E chauffeur di e Nissan Cube cu velocidad halto a pasa na e rotonde Wendys, un rato polis a perde for di bista.
Mesora tur e patruyanan riba caminda a cuminsa busca e antisocialnan aki, hopi liher nan a bin topa bek cu e Nissan Cube cora na altura di e oficina di FCCA na Belgiestraat.
E chaufeur a keda deteni pa no sigui y ni cumpli cu ordo di polis. Den e auto riba e asiento patras, tabata tin un amigo di e chauffeur sinta, e amigo tabata basta bou influencia y a cuminsa haci fastioso, mesora polisa a detene e tambe.
Ambos persona a wordo transporta, cu transportwagen di polis, pa warda di Oranjestad.
