Home Police Chauffeur cu lo a hit&run haya sin paña tras di stuur

Chauffeur cu lo a hit&run haya sin paña tras di stuur

SHARE
Savaneta – Diahuebs anochi algo pasa di 8’or polis bayendo un caso di hit&run na Weg Sero Blanco a mira e supuesto auto envolvi.

Lo tawata trata di un Nissan Sentra shinishi.

Bayendo pa e sitio un agente policial lo a mira e auto bayendo direccion Savaneta.

Despues di algun rato polis ta topa e Nissan Sentra color shinishi para altura di Winter Garden supermarket na Savaneta. Segun polis e auto tawata tin “sla fresco” ariba dje.

E vehiculo aki probablemente a pasa dal un vehiculo staciona na Weg Sero Blanco.

Na Savaneta momento cu a topa e chauffeur elo tawata sin ningun paña na curpa, na e sitio nan lo a auxili’e cu un paña pa e tapa su curpa.

Polis a constata cu e homber aki tawata pata pata, y algo a pase cu elo a bay af sushando su curpa.

Polis a pidi mesora pa un Transportwagen pa hibe di e sitio.

No ta conoci si momento cu ela hit&run ya e tawata manehando e Nissan Sentra sunu.