Awor ta un poco mas cu un siman cu Aruba a drenta den e crisis di salud publico di COVID-19. Esaki a afecta tur area di bida publico pa e pueblo Arubiano. Gobierno di Aruba a haye obliga ta institui medidanan pa combati e crisis aki.
Awe e ‘toque de queda’ lo drenta den vigor, pues lo tin un curfew di 9pm pa 6am. Sinembargo, drento poco lo tin solamente outbound flights for di Aruba. Pues esnan cu a bin di vacacion Aruba ta haya nan obliga di bandona nos isla. E medidanan di seguridad institui pa gobierno sigur a afecta bida turistico tambe.
Durante e crisis di COVID-19 tin algun empleadonan den e sector di turismo cu a indica cu tin varios turista a expresa nan deseo pa keda na Aruba. Hopi ta sinti nan mes mas sigur na Aruba den e periodo aki, mas cu na nan pais di residencia.
Den e video abou por mira un dama Mericano splicando con su experiencia na Aruba tawata den su delaster dianan di vacacion. E ta splica tambe tocante su experiencia cu un aerolinea Mericano.