Oranjestad – Diasabra mainta hefe di Departamento di Guarda Nos Costa a confirma cu e dama cu tawata tin Social Media domina pa varios dia a wordo deteni.
Segun Sra Hassel dos dama a wordo deteni y lo wordo procesa pa nan ser deporta.
E dama principal conoci pa un gluteoplastia(atras/chanchan) grandi tawata burla varios dia di autoridad y di nos hendenan door di post diferente comentario baho ariba Facebook.
Ayera durante oranan di atardi lo a spot e den area di Palm Beach, pero ela logra scapa. Natiusca y su amiga a causa tambe cu dos agente policial ta suspendi na cas, debi na e video ya conoci unda e auto di polis cu e number 37 ariba dje a bira conoci. A bay asina leu di traha stickers cu e silhouette di e dama aki.
Pero autoridad a keda monitor e situacion y diasabra mainta por a mira un satisfaccion ariba cara di Hefe di Guarda Nos Costa cu e dama “Patruya 37” y su compañera a wordo gara.
Pues nan lo wordo manda nan pais di origen. Sra Hassel a sigui bisa tambe, cu lo haci un peticion na Minister di Husticia pa pone ariba lista di Nonwanted y pa asina garantisa cu elo por bolbe e isla nunca mas. Na cuminsamento elo a pidi asilo pero esaki a wordo nenga segun Sra Hassel hefe di GNC.
No ta descarta cu ora e yega su pais, elo bay cuminsa su “atakenan” personal ariba Social Media.
Loke kizas tin algun persona tambe “sinta na rand di nan stoel”, esta den suspenso.
