Famia inconsolabel, despues di a perde tur cos den candela di cas

Rooi Kochi  –  Diadomingo marduga brandweer y polis a sali direccion Rooi Kochi un lo tawata tin un cas na candela.

Na yegada di prome unidad di Brandweer nan ta topa cu un cas completamente domina pa vlamnan. Esaki tawata motibo suficiente pa mesora baha slangnan y cuminsa na combati e candela.

Mientrastanto polis tambe a yega y un unidad mas di Brandweer, pa yuda cu awa.

Segun nos a compronde na e adres tin dos persona ta biba, pero e momento ey nan lo no tawata na cas.

Habitantenan a wordo lanta door di holor di huma y zonidonan di cos cu lo tawata kibra.

Bomberonan mes a kita fuse di e cas, pa asina evita desgracia.

Slachtofferhulp a wordo poni na altura pa asisti e famia, despues di e incidente sumamente lamentabel aki unda e famia a perde tur cos.