Merca tin un total di 67 caso confirma di Coronavirus, di cual tin 1 morto.
Diasabra a sali informacion cu un di e infectadonan di e virus a fayece, pues e prome victima fatal. E gobernador di e estado di Washington, Jay Inslee, a confirma e hecho aki.
E mandatario a duna di conoce cu tur departmento den e estado ta trahando hunto pa asina purba yega na un dia cu niun persona mas lo fayece a consequencia di Coronavirus. Aunke no mucho informacion a wordo duna di e identidad di e victima, prome informacion cu e gobernador a duna ta referi na e victima como un persona masculino.
E incidente a causa cu Presidente Trump a haye necesario pa e comunica y duna mas informacion na prensa y e pueblo Mericano. Durante su conferencia di prensa, e a duna di conoce cu e prome victima fatal ta un dama cu ta den su 50 aña.
Segun Trump a duna di conoce, e prome victima ta un persona cu tawata mas na riesgo pa un o otro motibo. Por conclui (o mas bien solamente specula) cu kizas e persona tawata uno cu ya tawata luchando contra un o otro enfermedad, pues haciendo su curpa mas vulnerabel.
Trump a continua na bisa cu “hende gezond mester por recupera por completo di e virus”.
