Actualmente tin rond mundo 83,652 casonan di Coronavirus, di cual 2,800 persona a fayece.
WHO (World Health Organization) ta premira cu e virus aki (COVID-19) lo bira un epidemia global. Oficialnan di Merca ta preparando tambe pa e eventualidad di e virus aki yegando tur cuidad di nan pais.
Awe informacion a sali cu un ciudadano Mericano residencia na e estado di Washington a fayece di e virus. Presidente Trump a tene un conferencia pa papia mas tocante di e caso aki.
Den e conferencia Trump a informa cu e prome victima fatal di e virus ta ‘un dama di 50 pico aña’. E presidente a bisa tambe cu e ta haya e hecho, cu tur cuidad Mericano ta na riesgo halto pa encontra casonan di Coronavirus, como un ‘hoax’.
E mandatario a continua na culpa su oponentenan politico pa plama noticia falso cu e meta di daña su campaña pa wordo reeligi como president.
Merca tin un total di 67 caso confirma di e Coronavirus. Banda di afecta salud y salubridad, e virus a afecta bida publico tambe. Hopi evento a wordo cancela pa miedo di e virus. Esaki pa motibo cu kier preveni e algomeracion di hendenan unda cu facilmente e virus por plama.
Coronavirus a afecta eventonan di negoshi, di sport (p.e. weganan di voetbal na Europa), viahenan y tambe e ‘stock market’.
