Accidente semi frontal entre Nissan y Honda diamars mainta

Palm Beach – Diamars mainta den careda di 8’or polis y ambulance a wordo manda cerca di un restaurant na Palm Beach, unda un accidente a sosode y tin hende herida.

Na e sitio Polis a topa cu un Nissan March y Honda Fit.

Segun polis a compronde na e sitio ta cu e Nissan March lo a tuma un bocht poco grandi di mas y a topa cu e Honda Fit.

Aki ta unda nan a dal contra otro.

Den e Honda Fit un persona a resulta herida y na yegada di Ambulance Paramediconan a opta pa transporte pa Hospital.