Motor Unit ta continua cu controlnan durante y despues di actividadnan Carnavalesco, varios chauffeur deteni

Savaneta – Diahuebs pa diabierna marduga e Team di Motor Unit a tene un control riguroso ariba autonan cu tawata bayendo direccion Oranjestad. Esaki tawata durante cu e Parada di Luz tawata yegando su final.

Den algun minuut polisnan a efectua varios detencion.

Siguiente informacion ta haya for di Cuerpo Policial

“Un total di 11 persona a wordo deteni pa maneha auto bou influencia di cual 1 chhauffer su rijbewijs a wordo kita.

Cuerpo Policial ta keda conseha pa si bo ta pensa di bebe alcohol hasi uso di bo AMIGODIDI pasobra controlnan di nos motorunit lo continua despues di cada evenemento di carnaval”.