BON TARDI NA TUR HENDE PRESENTE, CU HOPI POSITIVISMO AMI MOMITO KIER DUNA MI ULTIMO PALABRANAN PA NOS CARNAVAL DI MUCHA 2020. DURANTE AñANAN MI A GOZA CU NOS MUCHANAN DEN PARADA DI MUCHA. E AŇA AKI SINEMBARGO MOMITO A KEDA UN POCO TRISTO PA MIRA CU NO TIN HOPI INTERES DEN CARNAVAL DI MUCHA. TIN HOPI GRUPONAN CU MESTER AYUDO PA ASINA PONE NOS MUCHANAN LUCI ARIBA CAYA. PESEY MES MI TA DECRETA LO SIGUIENTE PA SMAC Y PA GOBERNANTENAN.
MI PROME PUNTO TA PA MAYORNAN PONE NOS MUCHANAN NA PROME LUGA. DUNA E APOYO NA BOSO YIUNAN PA GOZA DI PARADA. NAN TA E FUTURO CARNAVALISTANAN Y MOMITO TA BIRA HOPI CONTENTO ORA CU E MIRA E MUCHANAN HAPPY GOZANDO Y BAILANDO DEN TRAHENAN BUNITA. TRAHA UN BUDGET PA E MUCHANAN PROME.
MOMITO A GUSTA PARADA DI NOORD Y TA FELICITA COMICION DI NOORD Y TUR MUCHA CU A PARTICIPA. SIGI ASINA PA KEDA ENGRANDECE NOS GRAN CELEBRACION DI MUCHA. BOSO TA UN GRUPO DI LIDERNAN CU TA HACI MOMITO CONTENTO DI BERDAD MOMITO TA HAŇA CU NOORD TA DUSHI.
MI TA SURGERI PA PONE PARTCIPACION DI SCOLNAN, CU AYUDO DI MAYORNAN, DEN NOS PARADA DI CARNAVAL DI MUCHA. BAN MUSTRA CREATIVIDAD Y TRAHA RIBA COSTUMENAN DIFERENTE RECYCLA MANERA TA HASI ORA DI CELEBRACION DI SCOL.
MOMITO TA KERE CU POR LAGA SCOLNAN DEN E MESUN DISTRICTO BAY HUNTO Y DUNA PREMIO NA SCOLNAN PARTICIPANTE. SCOLNAN POR REPARTI E GASTO DI UN BANDA CU AYUDO DI SMAC Y COMERCIO. MOMITO A MIRA CU TABATA TIN BASTA SCOLNAN CU A PARTICIPA DEN NAN MESUN PARADA ROND DI SCOL. MOMITO TA KERE CU POR PONE TUR E JUMP UP NAN AKI HUNTO DEN PARADA DI MUCHA.
MOMITO KIER MIRA MAS HOBEN TAMBE PARTICIPA DEN PARADANAN. TA SURGERI NA SMAC PA BIN BEK CU UN TEENER PARADE YA MOMITO POR GOZA HUNTO CU NOS HOBENNAN TAMBE Y ALCOHOL VRIJ PARADE. MOMITO NO KIER ALCOHOL PA HENDE GRANDI DURANTE PARADADI MUCHA OF TEENERS, Y BOSO LO WAK CU LO TIN 0 DETENCION TAMBE.
MOMITO TA KERE CU LO POR TA IDEAL PA PONE E PARADA DI HOBENNAN POR BAY HUNTO CU NOS MUCHANAN DEN UN SOLO PARADA. NAN POR SERA E PARADA DI MUCHANAN Y MOMITO LO TA NET MEY MEY DEN DJE…
MOMITO TA TRISTO Y TA PIDI MAYORNAN PA PONE NOS MUCHANAN NA PROME LUGA, INVERTI DEN NAN COSTUM PROME, Y PLEASE NO PARA CRITICA CANTO DI CAMINDA SI BO NO TA LAGA BO YIU GOZA HUNTU CU MOMITO DEN PARADA. HACI NOS TUR CONTENTO MAMA Y PAPA.
MOMITO TA SURGERI PA TUR ELLECCION DI REINA INFANTIL Y HUBENIL TUMA LUGAR RIBA NAN MESUN DIA. UN DIA PA INFANTIL HUBENIL Y TUR SCOL CU TA ELIGI REINA LAGANAN PARTICIPA DEN ELECION AKI TAMBE.
SMAC TA KEDA CU E TAREA PA HACI E CAMBIONAN CORECTO COMO REGLA PA ELECCION PA ASINA TUR HENDE POR PARITCIPA RIBA UN BUDGET MAS ADECUA. CORDA CU MOMITO GUSTA JUMP CU E REINASITANAN.
MOMITO TA PIDI PA RADIONAN TOCA MAS E ROADMARCH Y TUMBA DI NOS MUCHANAN PA ASINA NOS SINTI NAN CELEBRACION TAMBE Y DUNA HONOR NA ESNAN CU TA TRAHA DURU PA UN FESTIVAL ASINA BUNITA PA NOS MUCHANAN.
TUR BANDA MESTER POR TOCA UN OF MAS DI E GANADORNAN DI ROADMARCH DEN PARADA
MOMITO KIER A GRADECI PERFECT SOUND CU A BAY DEN PARADA CU NOS MUCHANAN CU A PARTICIPA PA ASINA NAN CANTA NAN CANCIONAN APLAUSO PA BOSO.
MOMITO TA HACI UN PETICION NA TUR GROUP LEADER PA OTRO AŇA BOSO PONE UN HOBEN CANA HUNTU CU BOSO DEN PREPARACIONAN PA ASINA NOS TRAHA MAS HOBEN PA SIGI YUDA Y GUIA CARANVAL.
MOMITO A HERA HASA DEN PARADA PERO TA CONTENTO SI CU TUR COS A BAY PA PIDI SI PA RECONSIDERA E RUTA MESTER KEDA NA BENEFICIO DI NOS MUCHANAN PA NAN NO TA DIMAS EXPONE DEN SOLO.
PROME CU MI WORDO KIMA MI TA PIDI CADA UN DI E ADULTONAN PA APLAUDI TUR ESNAN CU A TRAHA ASINA DURU PA CARNAVAL DI MUCHA NO BAY PERDI. NA CUERPO POLICIAL, RODE KRUIS, TUR BOLUNTARIO CU TA YUDA TUR E STAKEHOLDERNAN DI CARNAVAL Y TAMBE NA SMAC. Y MI TA BAY CU HOPI ALEGRIA PASO MI TIN E CONFIANSA CU CARNAVAL DI MUCHA 2021 LO TA HOPI MAS GRANDI CU ESUN DI E AŇA AKI.
PRINS CU PANCHO INFANTIL Y HUBENIL BOSO POR KIMAMI NUMA Y DANKI PA BOSO SOSTEN DEN E CARNAVAL, DANKI ARUBA Y BIBA NOS MUCHANAN.
TA DESPEDI DI CARNAVAL INFANTIL 2020