130
San Nicolas – Diadomingo atardi a start un persecusion di Dr.Schaepmanstraat y cu a bay termina na e veld di Pepsi.
Tawata mas o menos 4’or cu un homber ariba un brommer a haya ta bon pa manda su brommer ariba un agente di Motoro Unit di Cuerpo Policial.
Mas cu claro esaki tawata un atentado contra bida e agente cu tawata eherciendo su trabou.
Mesora polisnan a sali su tras y altura di e veld di Pepsi a logra stop y bay mesora na detene.
Esaki segun nos a compronde no a bay di e facil ey, debi cu ela cuminsa resisti y manda menasa di morto contra e agentenan.
Pa loke ta e brommer, esaki no tawata tin net net nada na ordo, pues ni plachi number.
E motociclista no tawata tin rijbewijs tampoco.
E caso serio aki a wordo pasa den man di recherche di San Nicolas, cu lo tin e tarea di continua cu e investigacion cu por cierto ta mas cu duidelijk.