Monserat – Dialuna marduga den careda di 1’or polis ta haya informacion cu un persona lo a wordo tira den cabes.
Mesora tanto polis y ambulance a wordo manda cu urgencia pa Monserat. Na yegada polis ta confirma cu un persona a wordo tira den cabes.
Na e adres un familiar cu ta sufri di curason a cuminsa bira hopi malo y polis a pidi pa un otro ambulance mas.
Segun pareha di e homber M.Geerman elo a bay den camber y tawata papia cu e victima. Segun su version elo a scucha un tiro y lo a core bin wak y haya M.Geerman ariba vloer cu un arma di candela y un herida serio na su cabes.
Ambulance cu a presenta rapidamente a sa di sali despues di algun minuut cu urgencia direccion Hospital.
No ta conoci ki tipo di arma a wordo usa. Tampoco ta mucha cla si lo por tawata tin un discusion entre e cu su pareha, unda cos por a escala y yega na e extremo aki.
Tur esey autoridad lo tin di haci nan investigacion pa determina kiko exactamente a sosode. Departamentonan manera Slachtofferhulp, recherche y departamento tecnico a wordo poni na altura.
Pa 3.41 Dokter Van Norden ta constata morto di: Michelangelo Joshua Geerman naci na Aruba 9 december 1991.
E arma y municion a wordo confisca.
