Tanki Flip – Diabierna merdia algo pasa di 1:30 pariba di rotonde di Tanki Flip un chaos combina cu adrenalina a start, momento cu un Nissan Silvia a bin dal contra un patrouille wagen di polis.
Dos agente policial di districti dos esta Noord a hayanan ta maniobra ora cu nan a mira e Nissan Silvia bahando di pariba cu velocidad halto pasando auto.
Debi e agente na stuur a reacciona lihe e Sylvia e pega den e banda robes di e patrouille.
Den e vehiculo eynan tawata tin tres hende homber, di cual un segun polis cu dreadlocks a baha core bay direccion pabou y ta perde di bista.
Bastante confusion na e sitio
Segun agentenan por a compronde cu aparentemente e tres hombernan aki lo a haya discusion un otro caminda y lo tawata supuestamente coriendo pa nan bida.
Esaki tawata loke e dosnan cu a keda na e sitio a conta polis.
Segun e chauffeur di e Silvia cu polis a papia y detene poco mas pariba tawata bisa cu den e otro auto nan tin arma y cu su famia ta core peliger.
Ela wordo deteni ora cu polis a bay controla den e Nissan Silvia.
E chauffeur di e Silvia a sigui bisa polis durante su aresto cu no tawata pa malo ela bay dal su auto contra e patrouille wagen, pero cu e of nan tawata sinti cu nan bida y di su famia ta core peliger.
Polis a bise su derechonan y a detene mescos cu e otro ocupante cu keda para na e palo di luz unda e accidente a tuma luga.
Mientrastanto e momento eynan a start un buskeda intensivo ariba careteranan di Aruba pa un supuesto Toyota Vitz cu e dos hende muhe aden y un hende homber.
Polisnan a para varios di e autonan aki, pero niun di nan lo tawata tin di haber cu e caso.
Algun rato despues a stop di para e autonan aki, debi cu manera a bisa na cuminsa bastante confusion y chaos a reina momento di e incidente serio aki.
Ambos homber deteni na Tanki Flip a wordo separa y hiba mesora pa warda di Shaba, unda ambos lo bay bay pasa door di algun ora serio di interogacion.
Y principalmente cu a bin haya un arma di candela den nan propio auto.
