Atraco arma den dia cla, atracador a bay cu un cellular

Cuerpo Policial ta informa:

Awe diahuebs atardi pa 3:37 central di polis ta wordo notifica di un atraco cu lo a tuma lugar na un cas na Seroe Biento.

Na yegada di patruya di polis ta bin compronde cu probablemente un hende homber cara tapa cu un arma di candela lo mester a atraca e persona na e cas.

E atracador lo mestee ta tin un t-shirt color oranje y short preto bisti. E la a papia papiamento . E a bay cu un telefoon cellular. Despues e sospechoso lo a hui na pia , direccion pabao.

Atraco Team a presenta na e sitio di e sucedido pa asina haci nan investigacion. Tambe polis technico y departamento di slachtofferhulp.

Ken cu sa algo of a wak algo jama e tiplijn di polis cu ta 11141.