Na Mexico un mucha homber di 11 aña a tira su juffrouw y su mes mata, lagando tambe varios otro mucha herida, e tiramento a sosode na un scol primaria priva.
E scol priva caminda e tiramento a sosode
Torreón, edo. Coahuila, Mexico: Un mucha homber (11) a los varios tiro na e scol, den e estado Coahuila cu ta keda na e parti nort di Mexico. E tiramento a tuma lugar na un scol priva yama Colegio Cervantes, den e cuidad industrial Torreón.
Torreón, edo. Coahuila, ta keda na e parti nort di Mexico
Segun e gobernador di e estado, e ta lamenta e sucedido y tambe a bisa cu tin sospechonan fuerte cu e mucha a wordo influencia door di e video gamesnan cu ta contene hopi violencia cu armanan di candela.
Segun e alumnonan den su klas, ela bisanan cu “awe ta e dia” y poco rato ela pidi su juffrouw pa e bay baño, caminda ela dura casi 15 minuut, su juffrouw a sali bay busk’e, e mucha saliendo for di baño cu dos arma di candela den su poder, ela tira riba juffrouw, kende mesora a fayece pa e impactonan di bala ricibi, mesora despues ela los varios tiro, den cual un meneer y 5 otro alumno a keda herida.
Auto di morto buscando e curpanan sin bida di e mucha homber y su juffrouw
Famianan di e alumnonan yegando scol
Paramediconan sacando e heridonan for di e scol, pa asina hibanan hospital pa tratamento medico
Un di e armanan cu e mucha a usa
Despues di e tiramento, ela bira tira su mes mata. Polis ta investigando e caso tristo aki y sigur ta questionando unda un mucha di apenas 11 aña por a haya no un sino dos arma di candela na su disposicion.
Autoridad Mexicano haciendo investigacion, pa haya sa e motibo y unda e mucha a haya e dos armanan aki
Curpa sin bida di e mucha homber (11)
