Bagdad, Irak: E parlamento Iraki, diadomingo durante un reunion extraordinario a vota pa bay di acuerdo pa pidi tur e trupanan extranhero pa bandona Irak. Tambe den locual a wordo aproba tin skirbi cu e gobierno Iraki ta pidi Estados unidos cu ta liderando e coalicion internacional, cu ta retira e ayudo pa combati e grupo terrorista yihadista IS.
Reunion extraordinario di parlamento Iraki
E reunion a wordo yama dos dia despues cu Merca a haci e atakenan cu drone riba un konvooi den Bagdad, den cual Qasem Soleimani y su teniente Abu Mahdi al-Muhandis a keda asesina. E atakenan aki a conduci na reacionnan hopi fuerte, indignacion y hostilidad na Irak y Iran.
“E Gobierno Iraki mester retira e peticion di asistencia for di e coalicion internacional pa combati IS, pa motibo cu mester caba cu e operacionnan militar na Irak y asina logra victoria” Esaki segun e texto cu a wordo aproba den parlamento Iraki. ” E gobierno Iraki mester caba cu presencia di tur e trupanan militar extranhero y prohibinan di haci uso di e teritorio, espacio aereo y awa teritorial Iraqi, esaki bou niun circumstancia lo wordo permiti.
Convooi Mericano na Irak
“Merca mester bandona Irak”
E resolution di e Parlamento Iraki, no ta mara na nada ainda, pero e Premier Iraqi Adel Abdul, Mahdi anteriormente a pleita caba pa no laga mas militarnan extranhero establece nan mes na Irak. ” Ta tempo pa e trupanan Mericano bandona Irak” esaki segun Mahdi, kende tambe tabata presente na e reunion extraordinario aki, ela sigui bisa cu “nos tin dos opcion: caba inmediatamente cu e presencia di trupanan militar extranhero of prepara un schema pa asina nan por retira”. Asina e premier Iraki a comenta.
“E presencia di e ehercito militar mericano no ta necesario mas na Irak, desde cu e organisacion terorista IS a wordo derota.” esaki segun Ammar al- Sjiitisch, miembro di e comission parlamentario di asuntonan huridico.
“Nos tin nos mesun fuerzanan arma cu ta capas di protega nos pais.” A pesar di e decadanan di hostilidad entre Iran y Estados Unidos, entre 2014 cu 2017, durante e guerra na Irak, nan a apoya otro y a bringa schouder cu schouder contra IS.
Na e momentonan aki tin mas o menos 5 mil trupa mericano na Irak, mayoria di nan tin un rol consultativo.
Secretario General di OTAN a pidi pa un reunion urgente, entre su embahadornan
Pa motibo di e tension creciente den Medio Oriente, Jens Stoltenberg, Secretario General di OTAN a pidi pa un reunion urgente den e Conseho di Atlantico Norte, cual ta e organo mas importante di OTAN. Esaki e vocero di e militarnan na Alemania a informa prensa Aleman. OTAN su asientonan ta consisti di embahadornan di 29 Estadonan cu ta miembro.
Jens Stoltenberg, Secretario General di OTAN
E embahadornan lo reuni Dialuna pa delibera riba e situacion cu a cambia na Irak y e consecuencianan di e atake mericano riba e General Irani Qassem Soleimani cu a consecuencia di e atakena aki a fayece.
Embahador Mericano a wordo yama pa e Ministerio di Asuntonan Exterior di Irak
E embahador Mericano na Irak, Matthew Tueller, diadomingo a wordo yama door di e Ministerio di Asuntonan Exterior di Irak. Pa motibo cu segun Irak, Estados Unidos a viola e soberania Iraki, door di a mata e general Qassem Soleimanii cu un atak’e di drone den cercania di Bagdad.
Segun ministerio di asuntonan Exterior Iraki ta haya cu e operacionnan militar cu a wordo ehecuta pa Estado Unidos, ta ilegal y a sigui informa cu e atakenan aki por conduci na escalacion y tension den e region aki.
E Ministerio di relacionnan Exterior a duna di conoce, cu Irak a entrega un keho na e Conseho di Siguridad di Naciones Unidas.
