Bagdad, Iraq: E capital di Iraq, Bagdad y becindario, den oranan di anochi a wordo sopresa pa varios atakenan di raket. E raketnan a wordo lansa riba entre otro e “zona berde”, cual ta un area fuertemente vigila, unda e Embahada Mericano ta situa. Tambe a lansa raketnan riba e base aereo militar Al-Balad, unda e soldatnan mericano ta staciona, esaki e ehercito Iraqui a informa. NO tabata tin niun victima fatal. Mientrastanto Gran Britania ta mandando dos barco di guerra direcion di e Golfo Persico, pa asina por protege e britaniconan na e pais aki mas mihor.
Na Al-Balad, un 80 kilometer nort di Bagdad, dos raket a cay na e deposito di e base Militar, caminda e trupa Mericanonan cu ta entrenando e soldatnan Iraqui, ta stationa. Nan ta riba e estado mas halto di alerta, tambe tin helicopter cu ta controlando e area aki.
Tambe nan a manda algun raket den e centro di e capital, esey ta trata e zona berde, caminda tin edificionan di gobierno y embahadanan di diferente pais, den e area aki ta aplicando medidanan severo di siguridad.
Tur e atakenan aki tin di haber cu e atakenan cu drone cu Merca a ehecuta den e anochi di Diahuebs pa Diabierna, den cual a manda varios atake cu drone den e area di e aeropuerto di Bagdad, den e atakenan aki, e General Iranes Qassem Soleimani y su teniente mas importante di Iran a perde nan bida. Desde e atakenan aki e situacion den e regio aki ta hopi tenso.
E Revolutionaire Garde di Iran cual ta e trupa Elite di e ehercito, a priminti cu nan lo tuma revancha riba tur mericano, unda cu ta y cu ta na nan alcanse. E tension pa un guerra ta sigui crece, esaki a bira hopi mas tenso despues cu e presidente Mericano a duna ordo pa e atakenan cu drone den cual e general y su teniente iranes a fayece.
