Sero Colorado – Dialuna atardi (4:40) informacion a drenta cu un persona lo a bira malo na Baby Beach.
E turista lo a sinti malo durante cu e tawata den lama.
Dialuna anochi den careda di 7’or anochi Cuerpo Policial a duna un relato di kiko a sosode.
“Dialuna atardi pa 4:40 central di polis ta wordo informa cu un persona lo a haya problema den lama baby beach. Na yegada di patruya por a compronde cu un turista masculino a haya problema den lama. Ambulance a jega na e sitio pero no por a haci nada mas. Pa 6:40 Dr Texier ta constata morto di e turista masculino inicial A.A naci na Colombia di 67 aña. Causa di e morto ta ataca di curason . Slachtofferhulp a presenta na e sitio pa asina asisti e famia den e momento dificil aki “.
Cuerpo policial ta manda palabra di condolencia na famia di e fayecido”.
