121
De La Sallestraat, Oranjestad: Diadomingo den careda di 2’or y mey di marduga, a sosode un caso di hit and run na altura di Don Jacinto Restaurant. Mesora a pidi pa presencia di polis.
E victima di e hit and run a splica cu e tabata den su Toyota Yaris Blanco biniendo for di e rotonde Seroe Blanco, bayendo direccion pabou y na altura di Don Jacinto e auto di direcion contrario a hala bin den su banda y a dal contra su auto. E auto no a para y a djes sigui core. Lagando e chauffeur di e Yaris levemente herida y su auto cu basta daño material.
Segun e victima cu e auto cu a hit and run su auto ta un auto preto. E auto cu a hit and run na prome instante no a yega mucho leu pa motibo cu den e impacto elo a kap un taira, e auto a keda para un poco mas pariba. Algun persona cu a mira loke a sosode a bay papia cu e chauffeur di e auto preto pa e warda polis, pero mirando cu autoridad no a yega di biaha, e chauffeur a haya chens di cambia e taira di su auto y bandona e sitio prome cu polis a yega.
E caso di hit and run aki ta den man di autoridad pa haci e investigacionnan necesario pa asina haya sa ken tabata e chauffeur di e auto preto cu ta envolvi den e caso aki, mirando cu e Toyota Yaris a haya basta daño material.
