ORANJESTAD – Diadomingo 1 di december a tuma luga e sorteo di e rifa di auto di Aruba One Happy Island Lions Club na Centro di Bario Tanki Leendert. Dilanti di e publico presente a saca e numbernan ganador. E ganador di e prome premio di un Auto Hyundai Eon 2019 a bay pa esun cu a cumpra e ticket 3916, e segundo premio un Estadia di un fin di Siman na Paradise Beach Villas a bay pa esun cu a cumpra e ticket 8889 y tercer lugar un Entrada pa 4 persona por disfruta riba De Palm Island a bay pa pa esun cu a cumpra e ticket 9436.
Aruba One Happy Island Lions Club ta duna palabra di danki na comunidad, na comercio, na prensa pa yuda haci e recaudacion di fondo un exito. Na Garage Centraal, Paradise Beach Villas, De Palm Tours pa nan cooperacion pa e premionan. Un pabien na e ganadornan y nan ta wordo pidi pa tuma contacto cu number 746-0428 of 594-5212 pa reclama boso premio. Tur ganador tin 2 luna pa reclama nan premio, cual ta keda balido te cu no mas tarda cu 1 di februari 2020. Aruba henter y tur cu a cumpra pa yuda nos hopi danki. Cu e fondonan recauda nos lo sigui yuda esnan den comunidad cu ta den necesidad.