Parlamentario Alan Howell Cuerpo Policial por conta awo cu 10 brommer nobo adicional

Alan Howell di Fraccion di POR den Parlamento ta contento cu Cuerpo Policial a haya mas ekipo nobo pa yudanan haci nan trabou di preveni y combati criminalidad.
E ta papia aki di e 10 brommernan cu Cuerpo Policial a haya fin di siman pasa cu lo yuda pa mantene nos cayanan y trafico mas sigur cu ta posibel.
Mester a warda mas cu 10 aña pa finalmente nos Cuerpo Policial por a haya brommernan nobo, cual por a wordo logra danki na e cooperacion entre Ministerio di Husticia y Aruba Hotel and Security Foundation. Esaki manera a bisa, lo contribui grandmente pa ofrece mas siguridad tanto pa nos habitantenan como pa nos bishitantenan.
Howell ta felicita y gradici Gobierno di Aruba, den e caso specifico aki Minister di Husticia pa haci bon uzo di e fondonan cu Parlamento ta pone disponibel pa por traha cune.