Wayaca – Diamars mainta varios unidad policial a bay cu urgencia na e departamento di DIP situa na Wayaca. E prome informacionnan tawata papia di un pelea formal.
Na yegada di polis ya no tawata tin ningun pelea andando.
Nan a bin topa solamente un homber, e otronan cu tawata cune a bay prome cu polis a yega. Un di e personanan cu a bay mesora tawata su tata y un hende mas.
E problema ta sinta ya pa algun dia caba, personal di DIP lo a bay na un garage situa na Primavera pa atende un ke otro. Pues e personanan cu a presenta na DIP cu kizas e intencion pa regla cuenta ta e doñonan.
Kehonan cu DIP a ricibi ta e holor fuerte di verf ora di spuit auto, y aki ta unda cu segun nos a compronde nan mesun famia lo a avisa DIP di e molester. Esaki ta mustra den direccion di problema entre famia, unda cu un ta acusa e otro pa asina start problema.
Pa loke ta e cabayero na e sitio a papia cune y a scucha su banda di medaya.
Segun ela bisa polis cu personal di DIP lo no ta identifica nan mes manera debe ser ora nan yega su adres.
Pero ta varios biaha cu personal di DIP a bay dicho adres pa e mesun problema.
Mesun momento personal di DIP a sali y lo a mustra polis un spiel di auto cu aparentemente lo a sufri daño.
Na e sitio por a constata cu tin diferencia di opinion entre e partidonan.
Polis a splica e cabayero di e garage cu su manera di actua no ta esun mas corecto, y cu si e sigui haci problema esaki lo por causa su libertad.
