Sero Patrishi: Diasabra pa mas o menos 11’or y mey a sosode un accidente cu herido riba Avenida watty Vos na altura di e rotonde nobo di Sero Patrishi, miho conoci como Paperclips Rotonde, mesora a pidi pa presencia di polis y ambulance.
Na yegada nan a bin compronde cu un Nissan March tabata biniendo for di direccion di Tanki Leendert a yega na e rotonde di Seroe Patrishi pero no a drenta den e banda corecto, ela dal contra un Hyundai i10 cu si tabata den su banda corecto. E Nissan March a dal contra e Hyundai, e impacto tabata hopi fuerte y segun algun testigo a conta cu nan lo a mira con e auto durante e impacto a bay halto, bolter y despues a bay para bek riba su cuater tire nan, anto riba un distancia.
E personanan na e sitio tabata tin fuerte sospecho cu e chauffeur di e Nissan March tabata bou influencia di alcohol y a avisa polis.
E chauffeur di e Hyundai kende ta un dama, a ricibi golpinan fuerte na su pecho y tabata tin hopi dolor, ambulance a transport’e pa hospital pa un checkeo medico. E chauffeur di e Nissan March a keda deteni pa core auto bou influencia y wordo transporta pa warda di polis.