Driemasterstraat, Oranjestad: Diadomingo algo prome cu 3’or di marduga, presencia di polis a wordo pidi na e crusada di Driemasterstraat cu Rudolf Arendsstraat, pa motibo cu un auto lo a dal contra un palo di luz.
Na yegada enberdad nan ta topa cu un Hyundai Santa Fe, para memey caminda, e auto tabata tin basta daño material na e parti di dilanti.
Polis mesora a puntra e chauffeur cu si e por a bebe alcohol, ela bisa cu no pero pa confirma esaki polis a laga e chauffeur supla y a sali cu enberdad e no tabata bou influencia. E chauffeur no tabata bebi, e tabata bayendo direccion di playa y pa un of otro motibo cu sigur no tabata alcohol, a pone baha for di caminda y dal contra e palo di luz.
Mirando cu e daño na e auto tabata considerabel y e auto no por a wordo movi’e, mester a pidi pa un takelwagen. E patruya di polis a keda na e sitio cu su zwaailicht sendi enespera di takelwagen.