Siman pasa, durante e prome Innovation Week di Gobierno, IMMERSE, a tuma luga tambe e conferencia Atech. Prome Minister tawata presente na e conferencia aki na unda cu Chief Innovation Officer, Varelie Croes a hiba palabra.
Esaki ta di 5 biaha cu ta organisa e conferencia aki na Aruba cu presentacionnan di profesionalnan local y internacional. Atech ta un plataforma unico na Aruba y ta dirigi riba solucionnan y ideanan innovativo, technoligo y creativo y un compromiso increible di un grupo di persona.
Tur aña Atech ta organisa un Startup Pitch Competition y e aña aki pa prome biaha un startup Arubiano, Jessica Van Montfoort-Posner a gana cu su pitch Nini.
Ta importante pa menciona tambe cu esaki ta e prome biaha cu un Prome Minister ta asisti siendo e Minister encarga cu innovacion.
“Ora un vision ta cuminsa bira realidad e ta dunabo un bon sensacion. Pa Gabinete Wever-Croes tur idea riba e tereno di technologia, innovacion y creatividad ta bon bini”, Prome Minister Evelyn Wever-Croes a expresa.