L.G.Smith Boulevard – Diahuebs den oranan di mainta varios patruya a bay e area unda e compania cu ta practica Skydive.
Den lama su dilanti, segun e prome informacionnan dos persona lo a cay den lama momento cu nan tawata bahando cu Parachute. Segun nos a compronde, lo tawata tin un tardansa den e Parachute principal y esaki a causa cu e Instructor a usa e reserve Parachute.
Esaki probablemente a causa un tardansa y cu a desvia di baha unda ta suppose di baha.
Momento cu nan a baha den lama esaki a causa cu esnan cu a mira esaki a pensa lo peor y a bati alarma.
Pero na yegada di e autoridad y tambe ambulance ya e Instructor y e cliente tawata canando ariba beach. Ambos persona tawata ok, pues danki Dios tur cos a sali bon.
Asina mes Paramediconan a haci nan control.
Pues pa recapitula, durante cu nan tawata bahando cabuya di e Parachute principal aparentemente tawata bruha den otra y esaki posiblemente a causa un tardansa unda cu e Instructor a opta pa usa e reserve Parachute, causando cu a nan no a baha unda nan tawata mester a baha.
Cuatro aña pasa segun nos a compronde un incidente a sosode y tampoco tawata tin hende cu a resulta herida. Nos no por bisa si por ta trata di un uncidente similar.
E compania aki tin basta aña estableci aki na Aruba.
