Siman pasa e huristanan den opleiding a logra atende varios persona cu a acudi na Tienda di ley pa haya asistencia huridico. Loke a resalta ta e grupo di persona cu a pidi pa asistencia cu bezwaar pa e cobransa di grondbelasting y hopi caso di DIMAS.
E hobennan di PHP ta brindando asistencia rina diferente tereno. E casonan mas popular ta labor, belasting y vergunning. Dependiendo di e contenido di e caso y experiencia di nos hobennan hurista den opleiding ta brinda e asistencia rekeri. Hopi demanda tin pa bezwaarschriften impone contra cobransanan di impuesto.
Tin ciudadano ta acudi na Tienda di ley tambe ora cu nan confronta problemanan laboral. Dependiendo di e circumstancianan concreto ta brinda e asistencia na e ciudadano. Cu orguyo nos por bisa cu nos huristanan den opleiding a logra brinda asistencia efectivo den e casonan aki.
E siguiente session di Tienda di ley ta continua 9 di november 2019, debi na un session educativo di nos profesionalnan lo no tin tienda di ley e diasabra aki dia 2 di november. Plataforma Hobennan Profesional y partido AVP kier a desea tur nos colaboradornan di Tienda di ley exito y ta gradici cada un di nan cu tin curason pa yuda e comunidad gratuitamente tur diasabra.
