Alto Vista – Dialuna merdia informacion a drenta di un accidente cu UTV den area di Conchi, esta Shete bay direccion lama.
Mesora unidadnan di rescate a sali pa e sitio.
Pero, no a bin topa cu ningun accidente.
Algun minuut despues e sitio exacto a drenta, y tawata full otro banda di e isla.
Tawata dialuna merdia cu ambulance y e prome na e sitio a bay pariba di Kapel di Alto Vista, pa un UTV cu a bolter.
Bayendo pa e sitio mas informacion tawata drenta cu ta algo hopi serio.
Na yegada di Paramediconan nan a topa cu e UTV y dama turista di e isla di Boneiro malamente herida.
E dama durante maniobra cu e UTV lo a perde control y accidenta.
E dama cu lo a yega Aruba un dia prome ta haye den un accidente hopi serio, unda cu durante cu e UTV a bolter un tubo lo a cay ariba su pia robes.
Paramediconan a hayanan cu pia robes malamente kibra y e dama hoben den un dolor inmenso.
Cu hopi cuidou Paramediconan a logra lanta e victima y transporte pa Hospital, unda cu mas sigur elo mester wordo someti na un operacion mesora.
Te na momento cu Ambulance a bandona e sitio polisnan no a yega posiblemente door di e bruhacion un rato prome.
Segun nos a compronde e dama turista lo ta yiu di un persona prominente na Boneiro.