Oranjestad: E hoben, Elyssee Jean, cu Dialuna marduga a accidenta durante un persecusion di polis, a keda seriamente herida y cu hopi urgencia ela wordo transporta pa hospital.
Ariba Facebook un amigo di dje a publica un potret di e hoben, con ela keda despues di e accidente, mirando cu ela a haya hopi sla na cabes. Ela kibra su frenta, su cashi wowo, cu chens grandi di perde bista na e banda di wowo aki. Tambe ela kibra su nanishi y su kaak etc.
Tin hopi speculacion cu ta wordo publica riba Facebook, por ehempel cu polis lo a bati’e ora ela caba di cay of nan a bisti’e boei mientras cu e tabata herida caba. Un otro rumor cu polis lo a bay na un cas eybanda cu tin security camera’s cu a graba loke a pasa y cu nan a confisca e grabacion, cual ta algo hopi straño, paso pa drenta confisca algo mester bin “In de naam der Koning”, cu ta e permiso di fiscal.
Nos No a haya confirmacion di niun di e rumornan aki, pues NO POR a confirma nada di esakinan. Pero un cos si nos por bisa cu no ta prome biaha cu polis ta core tras di brommer of scooter, cu consecuencia cu e motociclista a keda herida, tabata tin varios caso den pasado cu e motociclista te hasta a yega na fayece of a causa hopi daño na otro nan propiedad.
Pa e motibo aki Polis y Fiscal a yega na un acuerdo mutuo basta tempo caba y KPA segun nos a compronde a manda un Korpsmedeling.
E informacion aki nos a ricibi di un Polis di rango halto cu a baha cu pensioen:
“Tin un (KM) Korps Mededeling cu no mag persigui(achtervolg) Motorcycle(brommer/Scooter), si no ta algo di bida of morto. Esnan(Polis) envolvi den un achtervolging asina por haya “Dood door schuld” den trafico si e persona yega na fayece. Si e persona keda na bida algo manera a sosode(dialuna marduga na Sero Patrishi) tambe tin un castigo ta colga.”
Ban ta claro e no ta un ley, pero un acuerdo y cu sigur lo mester wordo respeta pa Polis. Tin cierto agentenan policial cu no ta worry cu e acuerdo aki y toch ta sigui brommer, scooter etc. etc. Kiko lo bay pasa awo si e hoben aki perde su bista of a fayece, a keda handicap, cu nunca mas por mira bon, of no por cana bon, mihor bisa no por funciona mas manera prome, lo bay pone e agentenan policial aki responsabel pa e hecho aki? A haci e investigacionnan necesario cu ta un procedura normal na momento cu ta trata accidentenan serio? E sitio caminda e accidente aki a sosode, su siguiente dia mes a bari na e sitio y a lage limpi limpi.
Pero di otro banda ni con fout bo por ta, ora autoridad duna bo un señal pa para bo auto, brommer, truck, bais etc.. bo mester cumpli cu nan ordo tambe, pesey nos tin polis pa mantene ordo. Esaki ta un consecuencia hopi lamentabel cu e hoben (21aña) aki mester pasa aden awo.
Ban spera cu e accident aki wordo usa como un les pa e motociclistanan cu ora autoridad bisanan para, nan respeta esaki tambe. e
Esaki ta conta tambe pa tur polis cu si nan tey para un brommer pa djes un control, un nummerplaat of un overtreding chikito etc y e sigui core djes no core su tras tanten cu no ta trata di un infraccion grandi, manera asesinato, atraco, accidente grandi etc. cu si mester zorg pa detene e hoben aki.
Nos ta desea Ilyssee hopi forsa y un pronto recuperacion.