Un tata cu su 5 yiunan probablemente tabata biba pa añanan largo den un parti isola di un boerderij bandona. Despues cu e noticia aki a sali den publicidad, ela causa mundialmente hopi comocion.
Ruinerwold, Drente Hulanda: Tur cos a cuminsa riba Dialuna, na momento cu un di e muchanan di e famia aki cu ta den su 20 aña ney, a desaparece for di e boerderij. E mucha homber aki a bay den un cafe na Ruinerwold, e tabata mustra hopi confundi y e esaki a pone cu e bartender na su turno mesora a avisa polis. Asina polis a bin haya sa kiko tabata pasando pa mas cu 9 aña den un boerderij den nan region.
Segun e bartender di e Cafe , ela wordo sorpresa pa e hoben aki, cu e ta calcula cu mester ta den su binti ney. E bartender a conta cu e mucha homber aki a drenta full confundi den e cafe y a cumpra algun cerbes, cu ela bebe un tras di otro. Locual tabata hopi remarcabel pa e bartender ta, cu e homber aki tabata papia mescos cu un mucha y su apariencia tabata mustra hopi descuida, su pañanan tabata sushi, e tabata tin cabey largo y un poco barba. E bartender despues di a combersa cu ne a saca mas informacion for di dje y a avisa polis.
Asina Polis a bin ta descubri loke tabata pasando den un boerderij den un area bandona, den e pueblo Ruinerwold. Den medianan regional a sali publica cu e famia aki lo ta scondi den e boerderij paso nan tabata wardando fin di mundo, pero esaki no a wordo confirma. E burgemeester di Ruinerwold, Roger de Groot a bisa den su conferencia di prensa cu e tata cu su 5 yiunan no tabata bibando den e kelder (Sotano) pero den un parti isola.
E homber deteni no ta tata di e muchanan
Tambe burgemeester di Ruinerwold a informa prensa cu un homber di 58 aña a keda deteni y cu ta trata di e Austriaco Josef B., kende tabata e huurdo di e boerderij. Kiko su rol ta precies no ta conoci.
E bisiñanan mas cerca nunca a bati alarma paso nan nunca tabata sa cu tin mucha den e boerderij aki. Maske nan tabata scucha desordo ora e Huurdo no tabata ta na cas. Tambe tabata tin rumornan circulando den e pueblo di Ruinerwold cu den e boerderij ey lo tin hende di un secta ta bibando. Otro rumor tabata cu lo tin droga den e boerderij pa motibo di e cantidad di camaranan di seguridad, e cura semper cera, tabata mustra hopi sospechoso y cu esnan den e pueblo tabata pensa cu eyden lo ta biba hendenan cu ta meti den asunto di droga.
Polis a rista den e boerderij y a bin descubri cu patras di un cashi den e sala, un camber scondi den cual e famia tabata biba. Tabata trata di un tata y aparentemente su 5 yiunan. E tata haya algun aña pasa un ataca celebral y a keda malo, e riba cama y no por cana mas.
Kiko e relacion di e famia ta cu Josef B. (58) no ta conoci ainda. Josef B ta keda deteni y mucho menos e motibo pakiko Josef a permiti e famia aki biba den isolacion riba su boerderij.
E boerderij ta scondi tras di mondi y no ta riba un caminda grandi sino un zijweg, e caminda aki a wordo cera cu lint di polis pa asina polis por haci mas investigacion.
E muchanan edad ta actualmente entre 18 pa 25 aña, pa 9 aña largo nan no tabata tin contacto cu niun hende, nan tabata come loke nan ta planta y cria manera cabrito. Nan tabata tin un hardin caminda nan tabata planta y cria nan bestianan. E tata y e muchanan mientras tanto a wordo hiba na un parke di recreacion.
E muchanan no tataba tin niun contacto otro hende y no tabata a altura di nada cu ta pasa riba mundo. Nan tabata bibando pa 9 aña completamente isola di tur cos. Mama di e muchanan a fayece prome cu nan a bay biba den isolacion.
Na momento cu polis a drenta den e boerderij nan a bin topa cu 6 persona, asina e burgemeester di Ruinerwolde a bisa den su conferencia di prensa, pero no por a bay mucho den detayes. Tur scenario ta keda habri y autoridad ta extremadamente cuidadoso cu dunamento di informacion.
Algun di e muchanan no tabata registra na registro civil di Ruinerwold, algun si, e motibo no ta conoci ainda. Tambe e burgemeester a bisa cu mester investiga tambe dicon e muchanan cu tabata registra nunca a wordo poni riba e radar di e leerplicht y cu esaki ta algo cu no mester a pasa mes.
E burgemeester a sigui bisa cu niun momento e famia tabata scondi den e kelder, nan tabata den un area cera den e cas mes. esaki a wordo confirma tambe pa autoridad mas despues.
Un caso hopi raro cu casi nunca ta pasa na Hulanda, casonan similar ta pasa na otro parti di mundo y no den un pais manera Hulanda cu ta asina desaroya. Kiko tabata motibo cu e famia aki a bay biba den isolacion pa asina hopi aña te na e momentonan aki no ta conoci.
E muchanan a perde 9 aña di nan bida cu sigur ta un trauma grandi pa nan y sin conta tur e consecuencianan cu e trauma aki lo ta bay tin pa tur 5 mucha, menos mal cu na Hulanda tin hopi tratamento y terapia pa tur tipo di trauma. E investigacionnan ta andando y e huurdo ta deteni.