Home International Dos ruman homber di 8 aña y 5 aña a joyride auto...

Dos ruman homber di 8 aña y 5 aña a joyride auto di nan mayornan y a boks cu esaki

SHARE

Un mucha homber di 8 aña hunto cu su ruman di 5 aña a dicidi di pasa man pa auto di nan mayornan y a subi tras di stuur , mas cu claro causando un accident cu auto di nan mayornan.

Hagen, Alemania: Dialuna anochi dos ruman homber di apenas 8 y 5 aña a dicidi di pasa man pa yabi auto di nan mayornan, na momento cu nan mayornan no tabata poniendo atencion riba nan.  E dos criaturanan aki a subi den e auto, mientras esun di 8 aña subi tras di stuur y e chikito a sinta na banda. 

Nan a start e auto pero no a yega mucho leu, paso den un caya mas leu nan a boks contra un trailer.

Ambos ruman no tabata herida pero e auto si a haya hopi daño material. Polis a culpa e mayornan di no a pone bon tino riba nan yiunan y sigur cu esaki por a caba hopi mas pio.