Caya G.F.Betico Croes – Diahuebs marduga patruya di Playa a nota cu porta di un tienda den Caya G.F.Betico Croes tawata habri.
E tienda su nomber ta Parfois.
No ta mucho duidelijk si e porta durante cu a cera no a wordo bon cera, of cu antisocialnan lo ta esnan tras di esaki.
Polis a baha y controla pero mucho aparentemente nan no a haci, debi cu nan no sa ken ta e doño of no a haya niun number ariba e porta pa yama.
Agentenan por a constata cu ladronnan lo a “fiesta” den e luga, na e manera cu nan lage esta tur reboltea.
Polis mucho no por a haci, nan a cera e porta(no na lock) y a sigui cu nan patruya.
Durante oranan di mainta cu esnan encarga yega pa habri lo hayanan cu e sorpresa desagradabel. E ora lo haya sa cuanto mercancia a wordo horta.
Casonan manera esaki no ta unico, constantemente tin actividad di adictonan durante oranan di marduga den Centro di Ciudad. Un problema cu tin hopi tempo andando.