Oranjestad: Diaranson den oranan trempan di mainta, RST, Landsrecherche y Ministerio Publico a haci un entrada hudicial na cas di algun persona prominente den nos comunidad.
E entradanan a wordo haci na cas di Ex Minister Benny Sevinger, cas di Leonicta Arends y tambe na Cas di Gaby Werleman, kende lo tabata un coordinador di e Gobierno anterior.
Te na e momentonan aki investigacionnan na e casnan ta andando y no ta descarta cu si nan lo sigui haci mas entrada Hudicial durante dia.
Aparentemente lo por ta trata di e investigacionnan referente terenonan, no ta conoci si autoridad lo por a haya algo, mirando cu e no tabata un secreto cu tabata tin investigacionnan andando referente terenonan y sigur SI acaso nan tabata tin cualke informacion of documento comprometedor nan tabata tin tur tempo di mundo pa a deshaci di nan.
No ta conoci te na e momentonan aki si por tabata tin detencion durante e Entradanan Hudicial aki of nan a djes drenta e casnan aki pa mira si nan por haya algo di prueba di un guerra canta di algun aña caba.
Keda pendiente, asina nos haya mas informacion di Ministerio Publico nos lo publica esaki.