ORANJESTAD, Aruba – Aruba Bank un biaha mas ta sostene e evento di Fitville, considerando e festival di fitness di 3 (tres) dia como e miho competencia funcional di fitness aki na Aruba.
E motibo principal tras di e evento aki ta pa stimula personanan pa ta activo, come saludabel y pa pasa tempo balioso cu famia y conocirnan haciendo actividadnan sano. Fitville Functional Fitness Competition a conta aña pasa cu un total di 2,500 (dos mil cinco cien) bishitante y mas di 100 (cien) atleta local y internacional di diferente pais y gym.
Deporte ta un di e areanan di enfoque cu Aruba Bank ta conoci p’e. Nos ta contento di un biaha mas por sostene eventonan cu ta promove bienestar fisico y mental, manera Fitville Functional Fitness Competition.