Parlamentario Endy Croes no por compronde con Parlamentarionan di AVP haciendo malo por keda cana den comunidad cu un cara di santo. Benny Sevinger, Mike Eman, Mike de Meza por ehempel, tur tin hopi manteca riba nan cabes y pronto nos lo bay tende di Ministerio Publico. Locual a pasa por ehempel cu e corupcion di siglo alrespecto tereno no por keda asina sin mas. Anto hendenan asina cu a destrui Aruba financieramente ta keda cana cu nan cara di coco bay diferente entiero y ta hari y ta baba hende.
Parlamentario Croes a continua splicando cu e asunto di Richard Arends alrespecto su salario di Afl.22.375 florin pa luna mas un golden handshake di 2.6 MIYON no a yega su fin. Despues cu colega Vrolijk a divulga e contracto mas 3 diferente notulen di shareholders unda claramente tabata e prueba cu Richard Arends a firma un contracto miyonario y a haya verlof pa traha tanto como Minister 2016-2017 como Parlamentario desde november 2017 te cu awor, Richard Arends a sali bisa cu no ta berdad. Den tur e show di desesperacion Richard ta bisa cu nunca el a traha y a avisa e Board mientras esun cu a firma e verlof, Mike de Meza manera un gran estupido ta sali bisa cu ta e mes a duna e verlof. Ken ta gaña ken awor?
Ora bo midi 2 “Boef” esta Mike de Meza y Richard Arends bo ta inclina pa kere den e boef menos mentiroso y cu tin un cara di santo. Pues si nos kere Richard Arends cu nunca e contract di 2.6 miyon florin cu e mes a firma no tabata valido y cu nunca e mes no a traha como CFO di RDA, dicon Mike de Meza mester a duna verlof? Dicon Richard Arends a manda dos carta pidiendo su retiro di RDA? Un carta a bay pa ex director Koolman y e di dos carta awor den augustus 2019 a bay pa gobierno cu ta 100% shareholders. Pues un gañamento sin fin entre nan.
Parlamentario Endy Croes a comenta cu a sigui busca mientras tin investigacionnan andando y nos a bin dal den poco documento hopi interesante cual lo wordo divulga den prensa mañan mainta durante conferencia di prensa di MEP. Richard Arends lo wordo desenmascara y ta na su lugar pa Richard Arends entrega su retiro na Parlamento. Parlamento di Aruba lamentablemente ta yena cu yen di Boef. Benny Sevinger Boef number 1, Mike de Meza otro Boef y esun mas moderno ta e boef Richard Arends. Parlamentario Endy Croes ta invita pueblo pa sigui e conferencia di prensa dialuna mainta riba Face Book “ Fraccion MEP Parlamento” .