Oranjestad: segun sra Arends-Reyes recientemente gobierno di Aruba a emiti un comunicado di felicitacion pa nan mes pa e bon trabou confirmando nan maneho. Turismo no ta emitiendo tur cifra desde comienso di 2019, solamente AHATA ta cumpliendo tur luna cu e reportahenan. Locual tawata usual ta cu for di ATA tur luna ta haña reportahenan y locual ta e impresionan di e turistanan pa cada luna. Ultimamente por a ripara cu e turistanan tawata vocifera den diferente surveys cu Aruba ta birando hopi caro. Locual ta un trend tambe pa Aruba ta cu hopi repeat guests ta bin Aruba pero cu menos hende, pues e refleho di e room occupancy halto no necesariamente kiermen cu tin mesun cantidad di hendenan cu añanan anterior.
Pa September cu semper tawata un luna cu sa wordo cataloga como un ‘need period’ ja caba e hotelnan y timesharenan ta vociferando cu tin un caida significante pa e luna aki y ta pronostica cu locual cu e cantidad cu tawata contribui pa aumenta e indicadornan ta normalisando. Mirando cu AHATA mes a yega di indica cu e inventario di cambernan tawata limita den Caribe pa motibo cu por ehempel Sint Maarten y awor Bahamas a sufri dañonan riba nan hotelnan. Mester keda monitoria e normalizacion di e trend cu tawatin na 2019 cu tawata basa ariba cantidad limita di cambernan, pues demanda y tambe prijsnan cu a aumenta a base tambe di cost of doing business sra Arends-Reyes ta termina bisando.