Home » Desaparicion di 400 kilo di cocaina a trece cu ne den menos di dos luna tres likidacion

Desaparicion di 400 kilo di cocaina a trece cu ne den menos di dos luna tres likidacion

by Admin
0 comment 153 views

E guerra di droga , entre gangnan entre Hulanda y Korsou bayendo dia pa dia for di control, den oranan di mainta a likida un abogado y anochi ta mata un ex futbolista professional. 

Bijlmer, Amsterdam, Hulanda:
Diaranson ultimo den oranan di anochi, E ex futbolista professional Kelvin Maynard (32) di decendiente Surnam/Hulandes a wordo likida riba Langbroekdreef na Amsterdam Zuidoost.

Likidacion di e ex futbolista profesional Kelvin Maynard
Aparentemente dos persona a los varios tiro riba e auto di Maynard, mientras e tabata tras di stuur di su auto. E auto a sigui core y dal contra e edificio di Kazerna di Brandweer, na Langbroekdreef. Segun algun testigo nan a scucha por lo menos 4 tiro.

Referente e caso aki, polis di Amsterdam mesora a manda un informacion rond (burgernet-melding), den cual ta pidi tur persona pa tira bista riba un motorscooter preto di 3 wiel, riba e scooter aki e dos sospechosonan principal, despues di a asesina Maynard a huy, ambos tabata bisti full na preto.

E personal di e Kazerna di brandweer mesora a sali pa duna e victima prome auxilio, ambulance tambe hopi lihe a presenta, pero nada no por a wordo haci mas pa Maynard, e tironan cu ela ricibi tabata fatal pa su persona.

Polis, recherche y team di polisnan tecnico mesora a cuminsa cu un investigacion profundo, cu na e sitio mes a dura henter anochi. E dos personanan cu los e tironan fatal ainda ta fugitivo y ta wordo busca pa autoridad.

Tres persona likida y aparentemente tur pa e mesun motibo
Posibelmente e likidacion di Kelvin Maynard, Julian Curiel kende na comienso di Augustus a wordo likida na Bijlmer y esun di Genciël “Genna” Feller na Corsou tur ta relaciona cu otro.

E ex futbolista professional Kelvin Maynard (32),segun fuentenan lo tabata amigo di ” Genna” Feller.

Kelvin Maynard tabata un futbolista Professional cu a hunga pa diferente club di futbal, entre otro FC Volendam, FC Emmen, y Antwerp FC, Alphenese Boys

Asesinato di Genciël “Genna” Feller (23) na Caracasbaaiweg Corsou
Genciël “Genna” Feller (23), recientemente a wordo likida na Corsou. E homber di decendiente Surnam Hulandes a wordo fatalmente tira riba 2 di September ultimo, dilanti di un negoshi na Caracasbaaiweg, Korsou. Genna tabata den un auto, na momento cu dos persona a los varios tiro riba e auto, den cual lo tabata tin varios tiro cu lo a alcansa Feller y a resulta  fatal pa su persona. Aki tambe ta wordo papia di dos sikario, ambos lo tabata full cubri y nan lo a huy na pia.

Reglamento di cuenta pa desaparicion di 400 kilo di cocaina di e baron di droga Piet W.
Segun rumornan Feller lo a wordo poni (parcialmente) responsabel pa e desaparicion di e cargacion di 400 kilo di cocaina cu lo tabata pertenece na un Surnameo Pieter W. kende ta un Criminal Prominente, cu den pasado tambe a wordo sentencia pa traficacion grandi di Cocaina. Si Maynard ta envolvi den esaki, no ta conoci.

Feller a wordo tira un biaha caba riba e anochi di 3 pa 4 di augustus ultimo, na Almere, unda e tabata biba. Ela keda herida di e impacto di un of mas bala y a keda interna na Hospital.

Despues di algun dia ela dicidi hunto cu su pareha di bay pasa vakantie na Corsou, tabata tin rumornan ta circula cu elo a bay sconde na Corsou, pero esaki sigur no tabata un bon idea paso e Isla no ta grandi y facilmente por trace unda e ta hospendando.

Segun fuentenan Feller tabata activo den e mundo criminal como e ‘Uithaler’ esun cu ta recoge droga. Despues di e ladronicia di e cargacion di droga di 400 kilo, Feller lo a cuminsa hiba un bida riba un otro nivel. Na 2017, elo mester a presenta dilanti mesa berde, relaciona cu ladronicia di tres auto y intento di ladronicia di auto, coremente di auto iresponsabel y peligroso y tambe pa bandona sitio di delito.

Advertencia ta sigui pa famia y amigonan
Tambe den e caya na Amsterdam Zuidoost unda famia di Feller ta biba, un dia despues di su likidacion desconocidonan a los varios tiro den halto ta wordo sospecha cu e tironan aki tabata pa avisa e famia, relacion cu e ladronicia di e cargacion  di cocaina.  Den Bijlmer y entre e amigonan di Feller tin un esfera  di miedo pa mas violencia relaciona cu e ladronicia di e cargacion di droga di cual e grupo rond di Feller ta wordo poni responsabel pe.

Asesinato di Julian Curiel
Riba 8 di Augustus den un flat na Hogevecht den Bijlmer, Julian Curiel di 28 aña a wordo tira fatalmente. Referente e likidacion aki tin diferente storia coriendo. Segun un fuente no oficial y ni confirma ta bisa cu ta ruman di Julian lo tabata envolvi den e desaparicion di e cargacion di 400 kilo di cocaina. Otro fuente ta bisa cu Curiel lo a haya un pletio despues cu su persona  hunto cu algun otro lo a usa lachgas. Tambe ta wordo bisa cu Julian lo a wordo asesina inocentemente, esun cu a asesina Julian ta den man di husticia caba.

Dos asesinatonan segun Autoridad Hulandes nan no ta relaciona cu otro
Abogado Derk Wiersum y Kelvin Maynard ta e di dos victimanan di e dos asesinato cu arma di candela, cu riba e mesun dia a tuma lugar den Amsterdam, e capital di Hulanda. Te na e momentonan aki polis no ta mira e posibilidad cu e dos likidacion nan aki lo ta relaciona cu otro. Ambos ta bou investigacion.

Abogado Derk Wiersum asesina riba e mesun Diaranson

 

 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio