San Barbola – Diamars anochi den careda di 10’or polis a bay direccion San Barbola, un lo a tin un persona desconoci den cura di cas.
Aparentemente un adicto.
Na yegada di polis a bin resulta cu e susedido aki lo a pasa hopi mas trempan di diamars anochi. A ser papia den careda di 8’or.
E informacion aki lo a drenta di habitantenan y algun mucha hoben cu lo tin un persona den cura di e cas. Segun e personanan, e persona aki supuestamente un adicto lo tawata busca algo den un toolbox di e cas.
Nan a sigui conta polis tambe cu e persona desconoci aki tawata tin algo parecido na un palo den su man. Ora ela wordo descubri elo a menasa di dal esnan cu e haye, door di haci un movecion cu e palo.
Mirando cu e incidente a pasa oranan mas trempan, unico cos cu polis por haci tawata tuma datos y tira un bista rond pa mira si lo por mira e persona.